bie de gratie van ‘t Bestuur van de Othmarridders en van Vorst Tim met zien’n doar’n Road van Elf kozn tot ’n zeumvieftigsten Prins van de Stad Oatmössche.
’t Is me vegund um oeleu te hoape met miene adjudanten Pim en Mike bod te doon van oonze deurluchtige regearingsplann’ veur ’t joar 2020.
Wie verwocht dat oons kleine Bartje van Koersveld stage geet loopn bie ‘n grootn Harry Hendriks as Bottelier met ’t losdoon van de Boetnresidentie.
Wie hopt dat ‘t earste väätke bier, noa ‘t oawerhaandigen van ‘n stadsslöttel, zoaterdaangs op ‘t Markt, Othmar Weizen mag wèèn.
Wie verwocht dat ‘n Road van Elf éénmoal met koksmutsen op ‘n kop in plaats van steek’n noa binn’ hen trekt.
Wie goat d’r vanoet dat wie met oopn aarme ontvangen wodt bie Gasterij Oatmössche en dat wie dit bedrief majt losdoon tehoape met de Siepeljonkers en Pearse köp as Boetnresidentie.
Wie daagt alle keender oet um met ’t Keendercarnaval op moandagmiddag onmeundig völ spaghetti te kommn smietn op ’t Prinselijk Trio.
Wie verwocht dat de pupilln van oonzn prins, HET BE volleybalteam, met könt doon an ’n optocht.
Wie goat d’r vanoet dat Manfred en Esmaralda oons met ‘t Frühschoppn onmeundig lekkere Tiroler currywöskes veurzet.
Wie verwocht dat wie noa onze regearingsperiode ‘n prachtig plakbook kriegt van Rick & Nancy Stroot, oonze hoffotograafn.
Het best bekekkn omroep Max programma ‘Garde der oald prinsen bakt’, daagt wie oet um nen arretjeskeekn te bakkn in ruil veur ne pan siepelsoep met ‘n brunch.
Wie daagt ‘t Trio van de Siepeljonkers oet um ear culinaire keunstn te loatn zeen in de vorm van nen barbecue oonder tropische temperatuurn.
Wie verwocht dat alman zich hoalt an oonzn liefsprök:
Siepels, gedreagt oe as nen doarn döl, dit joar koomp d’r confetti oet de Peppermöl.
